Í vímu með þýfi og hníf

Í bifreið sem lögreglan á Suðurnesjum stöðvaði við hefðbundið eftirlit á Reykjanesbraut í vikunni fundust nokkrir hvarfakútar og hluti úr bílvél sem taldir eru vera þýfi. Ökumaðurinn var grunaður um fíkniefnaakstur og voru sýnatökur á lögreglustöð jákvæðar á amfetamínneyslu. Þá var hann með hníf í fórum sínum sem var haldlagður.

Fáeinir ökumenn til viðbótar voru teknir úr umferð vegna gruns um fíkniefnaakstur.

Þá var lögreglu tilkynnt um að brotist hefði verið inn í bifreið og þaðan stolið ýmsum munum. Var m.a. um að ræða mottur, varadekk og þokuljós.