Alþingishátíðardúkurinn frá 1930 til sýnis á 17. júní í Suðurnesjabæ
Hátíðardagskrá 17. júní í Suðurnesjabæ fer fram við Gerðaskóla og hefst kl.11.30 með fánahyllingu sem er í umsjón leikmanna Reynis og Víðis.
Amelía Björk Davíðsdóttir, nýstúdent mun flytja ávarp fjallkonu og Anton Guðmundsson, formaður bæjarráðs Suðurnesjabæjar, mun flytja hátíðarræðu dagsins.
Söngatriði, leikhópurinn Lotta og Lætibær verða meðal atriða í hátíðardagskrá en þá verður líka kaffisala, bílalest og andlitsmálun.
Byggðasafnið á Garðskaga verður opið frá kl. 10.00-17.00. Frítt inn.
Þennan dag verður einn af kjörgripum safnsins, Alþingishátíðar-dúkurinn frá 1930, sérstaklega til sýnis. Dúkurinn var framleiddur til að minnast þess að þúsund ár voru liðin frá stofnun allsherjarþings árið 930 á Þingvöllum.
- 17. júní - tilboð verður á handgerðu konfekti, malti & appelsíni og lakkrísröri.
- Sjólyst – opið frá kl.14.00-17.00.
- Þekkingarsetur Suðurnesja í Sandgerði – opið frá kl.13.00-17.00. Frítt inn.
