Ingvar kallaður inn í landsliðið

Njarðvíkingurinn Ingvar Jónsson, markvörður Íslands- og bikarmeistara Víkings, hefur verið kallaður inn í landsliðshóp Íslands í knattspyrnu fyrir vináttuleiki sem framundan eru gegn Finnlandi og Spáni.

Ingvar sem hefur leikið átta leiki með A-landsliði Íslands, kemur í stað Elíasar Rafns Ólafssonar sem handleggsbrotnaði í leik með félagsliði sínu í gær, sunnudag.

Báðir leikirnir fara fram á Spáni, sá fyrri gegn Finnlandi í Murcia 26. mars og sá seinni gegn Spánverjum í Coruna 29. mars, og báðir leikir verða í beinni sjónvarpsútsendingu á Stöð 2 sport.