Færri fengu fjárhagsaðstoð í janúar
Fjárhagsaðstoð til framfærslu í Reykjanesbæ var greidd til 113 einstaklinga í janúar 2026, sem er umtalsverð fækkun frá 158 einstaklingum í janúar 2025. Samtals voru greiddar 17.214.688 kr. í janúar 2026, eða að meðaltali 152.342 kr. á hvern einstakling.
Til samanburðar nam fjárhagsaðstoð í janúar 2025 23.877.229 kr., að meðaltali 151.122 kr. á hvern einstakling. Heildargreiðslur lækkuðu því um 6.662.541 kr. milli ára, á sama tíma og fjöldi barna á framfæri foreldra/forráðamanna á fjárhagsaðstoð fór úr 56 niður í 30.
Þá fengu 270 einstaklingar greiddan sérstakan húsnæðisstuðning í janúar 2026, samtals 6.935.890 kr. Á sama tíma árið áður voru styrkþegar 274 og heildargreiðslur 6.770.575 kr.
Í janúar 2026 hélt áfrýjunarnefnd einn fund þar sem 21 mál var lagt fyrir nefndina. Átta erindi voru samþykkt, fimm synjað og átta frestað til næsta fundar.
