58 ábendingar um lyktarmengun til Umhverfisstofnunar
- Svo mikill fjöldi ábendinga á stuttum tíma fáheyrður
Umhverfisstofun hafa borist 58 ábendingar um lyktarmengun frá kísilveri United Silicon í Helguvík síðan í gærkvöld. Samkvæmt upplýsingum frá stofnuninni er svo mikill fjöldi ábendinga á svo stuttum tíma fáheyrður.
Víkurfréttir greindu frá því í morgun að fjölmargir íbúar hafi tjáð sig um lyktarmengunina á samfélagsmiðlum og kvörtuðu yfir því að geta ekki haft glugga opna né verið lengi úti við.
Fulltrúar Umhverfisstofnunar munu fara í eftirlitsferð í kísilverksmiðjuna á morgun.
Tengd frétt: Höfðu glugga lokaða vegna mengunar
