Skemmtilegir nýárstónleikar Gala í Ytri-Njarðvíkurkirkju
Árlegir nýárstónleikar Gala voru haldnir í Ytri-Njarðvíkurkirkju á fyrsta degi ársins. Fram komu Alexandra Chernyshova (sópran), Rúnar Þór Guðmundsson (tenór), Helgi Hannesson (píanó) og sellóleikarinn Yana Prikhodko var gestaspilari frá Úkraínu. Þá söng Stúlknakórinn Draumaraddir einnig á tónleikunum.
Þetta var í fimmta sinn sem Galatónleikarnir voru haldnir og voru þeir styrktir af menningaráði Reykjanesbæjar og Uppbyggingasjóði Suðurnesja.
Í myndskeiðinu hér að neðan má sjá brot frá tónleikunum.
