Hver verður Listamaður Reykjanesbæjar 2026? – Óskað eftir tilnefningum
Reykjanesbær leitar nú að tólfta listamanninum til að bera heiðursnafnbótina Listamaður Reykjanesbæjar. Viðurkenningin er veitt fjórða hvert ár, í lok hvers kjörtímabils, og er nú komið að bæjarbúum að senda inn sínar tillögur.
Um heiðursviðurkenninguna
Nafnbótin er heiðursviðurkenning sem veitt er listamanni sem hefur með störfum sínum skarað fram úr og haft markverð áhrif á lista- og menningarlíf Reykjanesbæjar eða aukið hróður bæjarins á sínu sviði.
Skilyrði fyrir tilnefningu:
-
Sterk tengsl: Listamaðurinn skal hafa skýr tengsl við Reykjanesbæ (búseta, uppruni eða starfsvettvangur).
-
Fjölbreytni: Allar listgreinar og öll listform koma til greina.
-
Viðurkenning: Auk nafnbótarinnar fær listamaðurinn styrk, viðurkenningarspjald og grip til minningar, ásamt því að fá nafn sitt skráð á stall listaverks Erlings Jónssonar í skrúðgarðinum við Sólvallagötu.
Hvernig á að senda inn tilnefningu?
Óskað er eftir rökstuddum tilnefningum frá bæjarbúum.
-
Netfang: Sendu póst á [email protected]
-
Frestur: Skila þarf tillögum í síðasta lagi 24. mars næstkomandi.
Handhafar nafnbótarinnar frá upphafi
Hér má sjá þá listamenn sem hlotið hafa þessa nafnbót frá því hún var fyrst veitt árið 1991:
| Ár | Listamaður | Listgrein |
| 2022 | Karen Sturlaugsson | Tónlistarmaður og stjórnandi |
| 2018 | Eiríkur Árni Sigtryggsson | Tónskáld og listmálari |
| 2014 | Sigurður Sævarsson | Tónskáld |
| 2009 | Ragnheiður Skúladóttir | Píanóleikari |
| 2005 | Rúnar Júlíusson | Tónlistarmaður |
| 2001 | Gunnar Eyjólfsson | Leikari |
| 1997 | Sossa Björnsdóttir | Listmálari |
| 1994 | Hilmar Jónsson | Rithöfundur |
| 1993 | Halla Haraldsdóttir | Listmálari |
| 1992 | Gunnar Þórðarson | Tónlistarmaður |
| 1991 | Erlingur Jónsson | Myndhöggvari |
