Stuð á páskamóti Góu

Hið álega páskamót Góu var haldið í aðstöðu júdódeildar UMFN miðvikudaginn 24. apríl. Þrjátíu keppendur mættu til leiks á aldrinum fimm til fjórtán ára þar sem fjórtán stúlkur og sextán drengir tóku þátt.

Meistaraflokkur dæmdi viðureignirnar og skemmtu krakkarnir sér mjög vel. Í lok móts voru allir keppendur leystir út með gómsætum páskaeggjum sem sælgætisgerðin Góa gaf krökkunum.

Ægir vann Golíat
Ægir Már Baldvinsson keppti fyrir hönd Júdódeildar Njarðvíkur og var óheppin í fyrstu viðureign sinni, gegn Vilhelm Svansson sem er uppalinn í Njarðvíkunum. Í annari viðureign átti hann við Breka frá Selfossi og þurfti einnig að lúta í lægra haldi fyrir honum. Hann fékk þó færi á að berjast um þriðja sætið við Selfyssinginn Jakob, sigraði þá viðureign og krækti í þriðja sætið í -66 kg flokki fullorðinna en hann er vanur að vera í -60kg flokki.

Ægir var einnig skráður í opinn flokk karla og átti þar fyrstu viðureign við rúmlega 127kg andstæðing. Þeir lentu báðir í gólfinu og þar náði Ægir að hengja þennan öfluga andstæðing. Við það uppskar Ægir mikil fagnaðarlæti. Í lok dags var Ægir bronsinu ríkari.