Njarðvík býður Grindvíkingum á völlinn

Knattspyrnudeild Njarðvíkur, Grjótgarðar og Íslenska gámafélagið hafa tekið höndum saman og ætla að bjóða Grindvíkingum sem eru búsettir í Reykjanesbæ á heimaleiki félagsins í sumar.

Það eina sem Grindvíkingar þurfa að gera til að fá frítt árskort er að hafa samband við deildina á netfangið [email protected] og fá þá sent kort á appið STUBBUR. Einnig er hægt að mæta í vallarhúsið og fá kort þar. Frítt er fyrir börn á alla leiki.