Öflug uppbygging er forsenda framfara
Eitt af öflugustu sjávarútvegsfyrirtækjunum í Reykjanesbæ hefur nú keypt gamla Sjöstjörnuhúsið við Njarðvíkurhöfn. Þetta fyrirtæki, Fram foods, sem er afsprengi Bakkavarar hf. hyggst gera húsnæðið að frysti- og kæligeymslum og auka umsvif sín á þeim vettvangi. Það er ánægjulegt að finna að fiskvinnslufyrirtæki horfa í auknum mæli til þeirra tækifæra sem flugvöllurinn getur gefið um leið og þeim er tryggð góð aðstaða í nærliggjandi sveitafélögum. Tækifærin í sjávarútvegi eru enn til staðar eins og sést á góðum fyrirtækjum hér í Reykjanesbæ og á Suðurnesjum.
Öflug uppbygging í Helguvíkurhöfn og á iðnaðarsvæðinu hefur stóraukið áhuga fyrirtækja fyrir aðstöðu þar. Fyrsta stórfyrirtækið, IPT hefur þó látið bíða eftir sér allt frá því samningar voru undirritaðir snemma árs 2002. Ég tel afar líklegt að á þessu nýbyrjaða ári verði úr því skorið hvað verður um þá framkvæmd.
Verslun og þjónusta er að aukast
Íbúarnir hafa í mörg ár rætt um að Hafnargatan væri til skammar í okkar bæjarfélagi. Örfá ár eru síðan annað hvert verslunarhúsnæði stóð tómt en kostnaður við að endurnýja Hafnargötuna var talinn hlaupa á bilinu 700-1000 milljónir króna. Þegar Árni Sigfússon varð bæjarstjóri lagði hann ofurkapp á að semja um endurnýjun Hafnargötunnar. Hann benti á að hún væri mikilvægur hluti góðrar þjónustu í bæjarfélaginu og öflugri verslunar. Vel gerð Hafnargata myndi laða að fleiri verslunar- og þjónustufyrirtæki sem skapaði af sér aukin störf og betri þjónustu í bænum. Aftur var farið í að skoða framkvæmdakostnað og nú var tekið mið af nýjum tilboðum við slíkar framkvæmdir í miðbæ Reykjavíkur. Samið var við fimm heimafyrirtæki um 30% lægra verð en þar hafði komið fram. Kostnaður við þessa mikilvægu framkvæmd varð um 390 milljónir kr. eða undir helmingur af því verði sem hagstæðustu áætlanir höfðu gert ráð fyrir. Allir sjá að verslunum er strax að fjölga við Hafnargötu og á aksturslínunni frá henni inn á Njarðarbraut. Þessi aðgerð virðist vera að skapa aukna verslun og þjónustu í bænum mun fyrr en bjartsýnustu menn þorðu að vona.
Flugvöllurinn – Varnarliðið
Suðurnesjamenn þekkja hvaða breytingar hafa orðið á Varnarliðinu sem tengist minni umsvifum og fækkun starfa þar, allt frá lokum kalda stríðsins. Það hefur komið skýrt fram á undanförnum mánuðum að ef ekki væri fyrir orð Davíðs Oddssonar og góðra tengingar hans við Bandaríkjaforseta – væru þoturnar og allur sá viðbúnaður sem þeim tengist löngu farið héðan! Því miður hafa verið hér á Suðurnesjum öfl sem lagt hafa sig fram um að koma Varnarliðinu í burtu og þar með þeim hundruðum starfa sem það skapar. Minna hefur verið um alvöru tillögur um hvað taki við annað en froðusnakk um tækifæri. Nú fara fram viðræður við Bandaríkjamenn um tilhögun á framtíðarstarfsemi Varnarliðsins hér á landi- og þar eru margir möguleikar sem geta styrkt svæðið – Þá skiptir Suðurnesjamenn miklu máli og að sveitarstjórnarmenn standi saman!
Hlutafélagið Hitaveitan var forsenda útrásarinnar!
Hitaveita Suðurnesja hf. er eitt af öflugustu fyrirtækjum á Suðurnesjum. Ástæða er til að óska HS sérstaklega til hamingju með 30 ára afmælið. Með hlutafélagavæðingunni hefur markaðssvæði HS stækkað verulega og reksturinn styrkst gríðarlega mikið. Með samdrætti hjá Varnarliðinu myndu fáir bjóða í að eina markaðssvæði Hitaveitunnar væri Suðurnesin um leið og sveitarfélögin ætluðu að njóta góðs arðs af fyrirtækinu. Það þurfti að berjast fyrir því að Hitaveitan yrði gerð af hlutafélagi en Samfylkingin í Reykjanesbæ var á móti því! Ástæða er til að minna á að aðeins eru fjögur ár síðan að Orkuveita Reykjavíkur var að yfirtaka allt svæðið, búin að kaupa Keili og hafði mikinn áhuga á Rafveitu Hafnarfjarðar. Staðreyndin er sú að árið 2000 voru tekjur Hitaveitunnar 1750 milljónir kr. Og verða yfir 4000 milljónir kr. á næsta ári.
Sameinumst!
Nú er ríkið að hvetja til frekari sameiningar sveitarfélaga. Reynsla okkar af sameiningu Njarðvíkur, Keflavíkur og Hafna sýnir að stærri sveitarfélög eiga mun meiri möguleika á að veita nútímaþjónustu á fleiri sviðum. Það er skynsamlegt að sameinast fleiri sveitarfélögum á Suðurnesjum. Stefnan er að með þessari öflugu uppbyggingu fylgi íbúafjölgun á næstu 5-10 árum sem skapar auknar tekjur til sveitarfélagsins. Þessi þróun er greinileg á höfuðborgarsvæðinu. Það er ekki langt í þessa þróun hingað og þá verðum við tilbúin. Þrjú sveitarfélög á Suðurnesjum hafa sett eignir sínar í Fasteign hf. þar sem við erum stofnendur og hlutafar. Það auðveldar samrunann. Þetta félag hefur náð góðu samstarfi við verktaka á svæðinu og skilað mjög góðum byggingum á hagstæðu verði. Sömu kröfur til gatnagerðar, gangstíga og aðgengis að góðri þjónustu eru eðlilegar fyrir Suðurnesjamenn. Sameiginleg og samhent stefna í málefnum iðnaðarsvæðis og hafnar í Helguvík, alþjóðaflugvellinum, hjúkrunarmálum og skipulagsmálum, mun gera samfélagið sterkara og fá sterkari rödd í samningum við ríki og einkaaðila um frekari uppbyggingu hér.
Þorsteinn Erlingsson
Skipstjóri og bæjarfulltrúi
Öflug uppbygging í Helguvíkurhöfn og á iðnaðarsvæðinu hefur stóraukið áhuga fyrirtækja fyrir aðstöðu þar. Fyrsta stórfyrirtækið, IPT hefur þó látið bíða eftir sér allt frá því samningar voru undirritaðir snemma árs 2002. Ég tel afar líklegt að á þessu nýbyrjaða ári verði úr því skorið hvað verður um þá framkvæmd.
Verslun og þjónusta er að aukast
Íbúarnir hafa í mörg ár rætt um að Hafnargatan væri til skammar í okkar bæjarfélagi. Örfá ár eru síðan annað hvert verslunarhúsnæði stóð tómt en kostnaður við að endurnýja Hafnargötuna var talinn hlaupa á bilinu 700-1000 milljónir króna. Þegar Árni Sigfússon varð bæjarstjóri lagði hann ofurkapp á að semja um endurnýjun Hafnargötunnar. Hann benti á að hún væri mikilvægur hluti góðrar þjónustu í bæjarfélaginu og öflugri verslunar. Vel gerð Hafnargata myndi laða að fleiri verslunar- og þjónustufyrirtæki sem skapaði af sér aukin störf og betri þjónustu í bænum. Aftur var farið í að skoða framkvæmdakostnað og nú var tekið mið af nýjum tilboðum við slíkar framkvæmdir í miðbæ Reykjavíkur. Samið var við fimm heimafyrirtæki um 30% lægra verð en þar hafði komið fram. Kostnaður við þessa mikilvægu framkvæmd varð um 390 milljónir kr. eða undir helmingur af því verði sem hagstæðustu áætlanir höfðu gert ráð fyrir. Allir sjá að verslunum er strax að fjölga við Hafnargötu og á aksturslínunni frá henni inn á Njarðarbraut. Þessi aðgerð virðist vera að skapa aukna verslun og þjónustu í bænum mun fyrr en bjartsýnustu menn þorðu að vona.
Flugvöllurinn – Varnarliðið
Suðurnesjamenn þekkja hvaða breytingar hafa orðið á Varnarliðinu sem tengist minni umsvifum og fækkun starfa þar, allt frá lokum kalda stríðsins. Það hefur komið skýrt fram á undanförnum mánuðum að ef ekki væri fyrir orð Davíðs Oddssonar og góðra tengingar hans við Bandaríkjaforseta – væru þoturnar og allur sá viðbúnaður sem þeim tengist löngu farið héðan! Því miður hafa verið hér á Suðurnesjum öfl sem lagt hafa sig fram um að koma Varnarliðinu í burtu og þar með þeim hundruðum starfa sem það skapar. Minna hefur verið um alvöru tillögur um hvað taki við annað en froðusnakk um tækifæri. Nú fara fram viðræður við Bandaríkjamenn um tilhögun á framtíðarstarfsemi Varnarliðsins hér á landi- og þar eru margir möguleikar sem geta styrkt svæðið – Þá skiptir Suðurnesjamenn miklu máli og að sveitarstjórnarmenn standi saman!
Hlutafélagið Hitaveitan var forsenda útrásarinnar!
Hitaveita Suðurnesja hf. er eitt af öflugustu fyrirtækjum á Suðurnesjum. Ástæða er til að óska HS sérstaklega til hamingju með 30 ára afmælið. Með hlutafélagavæðingunni hefur markaðssvæði HS stækkað verulega og reksturinn styrkst gríðarlega mikið. Með samdrætti hjá Varnarliðinu myndu fáir bjóða í að eina markaðssvæði Hitaveitunnar væri Suðurnesin um leið og sveitarfélögin ætluðu að njóta góðs arðs af fyrirtækinu. Það þurfti að berjast fyrir því að Hitaveitan yrði gerð af hlutafélagi en Samfylkingin í Reykjanesbæ var á móti því! Ástæða er til að minna á að aðeins eru fjögur ár síðan að Orkuveita Reykjavíkur var að yfirtaka allt svæðið, búin að kaupa Keili og hafði mikinn áhuga á Rafveitu Hafnarfjarðar. Staðreyndin er sú að árið 2000 voru tekjur Hitaveitunnar 1750 milljónir kr. Og verða yfir 4000 milljónir kr. á næsta ári.
Sameinumst!
Nú er ríkið að hvetja til frekari sameiningar sveitarfélaga. Reynsla okkar af sameiningu Njarðvíkur, Keflavíkur og Hafna sýnir að stærri sveitarfélög eiga mun meiri möguleika á að veita nútímaþjónustu á fleiri sviðum. Það er skynsamlegt að sameinast fleiri sveitarfélögum á Suðurnesjum. Stefnan er að með þessari öflugu uppbyggingu fylgi íbúafjölgun á næstu 5-10 árum sem skapar auknar tekjur til sveitarfélagsins. Þessi þróun er greinileg á höfuðborgarsvæðinu. Það er ekki langt í þessa þróun hingað og þá verðum við tilbúin. Þrjú sveitarfélög á Suðurnesjum hafa sett eignir sínar í Fasteign hf. þar sem við erum stofnendur og hlutafar. Það auðveldar samrunann. Þetta félag hefur náð góðu samstarfi við verktaka á svæðinu og skilað mjög góðum byggingum á hagstæðu verði. Sömu kröfur til gatnagerðar, gangstíga og aðgengis að góðri þjónustu eru eðlilegar fyrir Suðurnesjamenn. Sameiginleg og samhent stefna í málefnum iðnaðarsvæðis og hafnar í Helguvík, alþjóðaflugvellinum, hjúkrunarmálum og skipulagsmálum, mun gera samfélagið sterkara og fá sterkari rödd í samningum við ríki og einkaaðila um frekari uppbyggingu hér.
Þorsteinn Erlingsson
Skipstjóri og bæjarfulltrúi
