Björgunarsveitin Suðurnes styrkir Hannes Þ. Hafstein um 2 milljónir

ásamt öðrum björgunarsveitum á Suðurnesjum, rausnarlegan styrk að upphæð 2 milljónir króna hvor frá Skipstjóra- og stýrimannafélaginu Vísi.

Slíkur stuðningur skiptir gríðarlega miklu máli fyrir starfsemi björgunarsveita og okkur í Björgunarsveitinni Suðurnes þótti við hæfi að gefa þennan styrk áfram til endurnýjunar á björgunarskipinu Hannesi Þ. Hafstein í Sandgerði.

Skipið er rekið sameiginlega af Björgunarsveitunum Suðurnes og Sigurvon, sem standa saman að mönnun og rekstri þess. Um er að ræða sérstaka rekstrareiningu sem sinnir lykilhlutverki í sjóbjörgun á svæðinu. Nú stendur fyrir dyrum umfangsmikið verkefni við endurnýjun skipsins, sem er bæði brýnt og mikilvægt fyrir öryggi sjófarenda á Suðurnesjum.

Við í Björgunarsveitinni Suðurnesjum viljum hvetja einstaklinga og fyrirtæki á svæðinu til að styðja þetta verkefni og leggja sitt af mörkum til endurnýjunar skipsins.

Björgunarskipið Hannes Þ. Hafstein þjónar víðfeðmu svæði – allt frá Reykjanesi og inn í Faxaflóa – og gegnir lykilhlutverki í öryggi allra sem sækja sjó.

Styrktarreikningur: 0157-05-400059

Kennitala: 431197-2009

Marteinn Þórdísarson, formaður Björgunarsveitarinnar Suðurnes, tók á móti styrknum fyrir hönd sveitarinnar.

Við sendum okkar innilegustu þakkir til Skipstjóra- og stýrimannafélagsins Vísis fyrir rausnarlegt framlag og traustan stuðning við björgunarstarf á Suðurnesjum.

Björgunarsveitin Suðurnes.