Lífið í Keili, fögnuður í Njarðvík og breytingar hjá HSS
Það er líflegur þáttur hjá Suðurnesjamagasíni í þessari viku. Við kíktum í 15 ára afmæli Keilis á Ásbrú á dögunum og kynnum okkur Háskólabrú og Menntaskólann Ásbrú.
Við fögnuðum einnig með Njarðvíkingum sem urðu Íslandsmeistarar í körfuknattleik kvenna á sunnudagskvöldið.
Þá tökum við hús á Heilbrigðisstofnun Suðurnesja, þar sem er verið að vinna að breytingum á húsakosti til að bæta þjónustu við Suðurnesjamenn.
Í lok þáttar heyrum við svo í börnum sem sungu hátt og snjallt þegar BAUN, barna- og ungmennahátíð var sett í Reykjanesbæ.
Suðurnesjamagasín er á dagskrá Hringbrautar öll fimmtudagskvöld kl. 19:30 en þáttinn má einnig nálgast á vf.is.