Hilmar Bragi Bárðarson
Hilmar Bragi Bárðarson skrifar
miðvikudaginn 23. desember 2020 kl. 18:00

Jóladagskrá úr Suðurnesjabæ streymt hjá Víkurfréttum

Það verður nóg um að vera í streymi hjá Víkurfréttum um jól og áramót. Núna kl. 18:00 hófst útsending á síðu Víkurfrétta á Facebook þar sem jóladagskrá úr Suðurnesjabæ er streymt.

Dagskráin var tekin upp í Sjólyst, húsi Unu Guðmundsdóttur, nú í vikunni.

Á morgun, aðfangadag, verður streymt barnaguðsþjónustu frá Keflavíkurkirkju kl. 16:00 og á jóladag verður streymt guðsþjónustu kl. 14:00.

Á nýársdag verður svo streymt nýársguðsþjónustu frá Keflavíkurkirkju. Nánar um það í næstu viku.

Upptöku af jóladagskránni úr Suðurnesjabæ má horfa á í spilaranum hér að ofan. Verkefnið er unnið í samstarfi Suðurnesjabæjar og Víkurfrétta.