Jón Páll nýr leikhússtjóri Leikfélags Akureyrar
Hans bíða ærin verkefni.
Keflvíkingurinn Jón Páll Eyjólfsson er nýr leikhússtjóri Leikfélags Akureyrar. Sagt er frá því á vefsíðu RÚV. Í fréttinni kemur fram að ærin verkefni bíði Jóns Páls því leikhúsið hafi átt í miklum rekstrarvanda undanfarin ár. Það færist nú undir nýtt menningarfélag og í samtali við RÚV telur Jón Páll það styrkja reksturinn. Samþættingin muni gefa starfseminni aukinn kraft og meiri samheldni.
Eins og Víkurfréttir hafa áður greint frá sló Jón Páll í gegn sem illmennið Skipperinn í spennuþáttunum Hrauninu, sem sýndir voru á RÚV fyrr í vetur.
