Víðismenn komnir á sigurbraut

Hug­inn og Þrótt­ur Vog­um gerðu1-1 jafn­tefli á Seyðis­firði þar sem Vikt­or Smári Segatta kom gest­un­um yfir á 41. mín­útu, en Þróttarar brenndu af vítaspyrnu í byrjun leiks. Nenad Simic jafnaði met­in fyr­ir Hug­inn á 58. mín­útu en heima­menn eru á botni deild­ar­inn­ar með 5 stig en Þrótt­ar­ar eru í fimmta sæti deild­ar­inn­ar með 20 stig. Þróttarar hafa misst flugið eftir kröftuga byrjun í byrjun sumars og aðeins fengið tvö stig af síðustu fimmtán mögulegum.

Víðir Garði vann 3-1 sig­ur á Hetti í Garðinum þar sem Mehdi Hadra­oui skoraði í sínum fyrsta leik og Fann­ar Orri Sæv­ars­son skoraði einnig. Þeir komu heima­mönn­um yfir snemma leiks. Andri Gísla­son skoraði svo þriðja mark Víðismanna á 62. mín­útu áður en gest­un­um tókst að klóra í bakk­ann á loka­mín­út­un­um. Víðir er í átt­unda sæti deild­ar­inn­ar með 12 stig en Hött­ur er í ní­unda sæt­inu með 11 stig.

Reynir Sandgerði vann níunda sigurinn í röð þegar SR mætti í heimsókn og eru með fullt hús stiga í B-riðli 4. deildar. Lokatölur urðu 5-3 fyrir Reynismenn.

GG úr Grindavík fengu liðsstyrk á dögunum þegar Einar Valur Árnason ákvað að draga fram skóna en liðið er á skriði þessa daganna. GG eru í 4. sæti C-riðils 4. deildar eftir 2-4 sigur á liði Afríku og aðeins fjórum stigum frá öðru sæti riðilsins sem gefur sæti í úrslitakeppninni.

Næstu leikir í 2. deild

Fimmtudaginn 26. júlí

Þróttur-Grótta á Vogabæjarvelli kl.19:15

Laugardaginn 28. júlí

Vöslungur-Víðir á Húsavíkurvelli kl.14