Sara Rún og Elvar Már gera samninga við erlend lið

Körfuknattleiksfólkið Sara Rún Hinriksdóttir sem hóf feril sinn með Keflavík og Njarðvíkingurinn Elvar Már Friðriksson, gengu í síðustu viku frá samningum við erlend lið fyrir komandi keppnistímabil.

Sara Rún sem lék á síðasta tímabili á Ítalíu, færir sig yfir til Spánar og mun leika með liði Sedis.

Elvar Már sem lék í Litháen á síðasta tímabili, gerði samning við stórlið PAOK í Grikklandi.

Það verður spennandi að fylgjast með þessu flotta körfuknattleiksfólki í vetur.