Páll glaður yfir brottrekstri frá Keflavík
Páll Guðlaugsson sagðist feginn að vera laus frá Keflavík. Þetta var haft eftir honum á Stöð tvö í kvöld. Stjórn knattspyrnudeildar Keflavíkur ákvað í dag að reka Pál sem þjálfara meistaraflokks Keflavíkur.Í tilkynningu til fjölmiðla segir orðrétt: Stjórn Knattspyrnudeildar Keflavíkur og Páll Guðlaugsson hafa í dag komist að samkomulagi um að Páll láti þegar af störfum sem þjálfari meistaraflokks karla í knattspyrnu. Stjórn Knattspyrnudeildarinnar hefur jafnframt náð samkomulagi við Gunnar Oddsson og Þorstein Bjarnason um að þeir stýri meistaraflokki félagsins út tímabilið. Keflavík 15. ágúst 2000 Stjórn Knattspyrnudeildar Keflavíkur.
