Ondo til reynslu hjá Stabæk

Gilles Mbang Ondo, framherji Grindvíkinga, er á reynslu hjá norska liðinu Stabæk þessa dagana.

Ondo er á förum frá Grindavík en hann hefur verið til skoðunar hjá fleiri félögum undanfarna mánuði.

Þessi 25 ára gamli leikmaður var meðal annars á reynslu í Ástralíu í nóvember auk þess sem félög í Búlgaríu og Ísrael hafa sýnt honum áhuga.

Ondo hefur leikið með Grindavík frá því árið 2008 og skorað 33 mörk í 55 leikjum. Hann varð markahæsti leikmaður Pepsi-deildarinnar í sumar með fjórtán mörk.

Frétt frá Fótbolta.net.

mynd/vf.is