Njarðvík er deildarmeistari Subway-deildar karla
Njarðvíkingar urðu deildarmeistarar Subway-deildar karla rétt í þessu eftir fimm stiga sigur á Keflavík í troðfullri Ljónagryfju. Eins og við var að búast var þetta hörkuleikur enda ekkert gefið eftir þegar þessi tvö lið mætast.
Sigur Njarðvíkinga var sanngjarn þótt gestirnir hafi sett pressu á þá í lokin og verið nálægt því að jafna en lokatölur 98:93 og annar bikarinn kominn í Ljónagryfjuna á innan við ári.
Við fjöllum nánar um leikinn seinna í kvöld og verðum jafnframt með myndaveislu frá nágrannaslagnum.
