Lið Holtaskóla grunnskólameistarar drengja í körfu

Körfuboltamót grunnskólanna í Reykjanesbæ í drengjaflokki fór fram í gær, þriðjudag. Fjögur lið öttu kappi, Heiðarskóli, Holtaskóli, Myllubakkaskóli og Njarðvíkurskóli. Þegar upp var staðið var það viðureign Holtaskóla og Njarðvíkurskóla sem réð úrslitum en þá viðureign sigruðu liðsmenn Holtaskóla 17 - 13 og urðu því grunnskólameistarar skólaárið 2012 - 2013.