Fóru létt með Stólana
Keflvíkingar töpuðu gegn skástrikinu
Grindavíkurstúlkur unnu öruggan 4-0 sigur á Tindastól þegar liðin mættust í Grindavík í gær. Með sigrinum komu Grindvíkingar sér í fjórða sæti 1. deildar en liðið hefur aðeins leikið fimm leiki á meðan toppliðið hefur leikið sjö.
Það er óhætt að segja að Grindvíkingar hafi gert út um leikinn í fyrri hálfleik, en að honum loknum var staðan 3-0. Þær Margrét Albertsdóttir og Sara Hrund Helgadóttir skoruðu en eitt markanna var sjálfsmark. Margrét bætti svo sínu öðru marki við undir lok leiks til þess að gulltryggja Grindavíkursigur.
Keflvíkingar töpuðu á heimavelli
Keflvíkingar máttu sætta sig við 1-2 ósigur á heimavelli sínum gegn BÍ/Bolungarvík en liðin léku einnig í gær í 1. deild kvenna A-riðli. Staðan var jöfn, 1-1 í hálfleik en Marín Rún Guðmundsdóttir skoraði mark Keflvíkinga í leiknum. Gestirnir skoruðu svo sigurmarkið þegar rúmum tíu mínútum fyrir leikslok.
