Ekkert virðist stöðva Víðismenn

Víðismenn hafa unnið alla fimm leiki sína í 3. deild karla í fótbolta það sem af er tímabili. Þeir gerðu góða ferð til Vestmannaeyja í gær þar sem þeir báru sigurorð af KFS 1-2. Heimamenn í KFS komust yfir strax á 6. mínútu. Aleksandar Stojkovic jafnaði fyrir Garðbúa á 25. mínútu og þannig var staðan allt þar til átta mínútur voru til leiksloka, en þá skoraði Róbert Örn Ólafsson sigurmark Víðismanna.

Víðismenn eru á toppnum með fullt hús stiga en þeir eiga leik til góða á flest lið deildarinnar. 

Reynismenn unnu 2-1 sigur á liði Dalvíkur/Reynir fyrr í vikunni, þar sem Ivan Jugovic og Tomislav Misura skoruðu mörkin. Þróttarar töpuðum naumlega fyrir Tindastólsmönnum 1-2 á útivelli þar sem Sölvi Pálsson skoraði fyrir Þróttara. 

Reynismenn eru í 6. sæti deildarinnar eftir þrjá sigra í röð. Þróttarar eru í 7. sæti og eiga leik til góða.