Nýr Subway á Fitjum

Veitingahúsakeðjan Subway opnaði fyrir skemmstu nýjan veitingastað í verslunarmiðstöðinni á Fitjum. Þetta er annar Subwaystaðurinn í Reykjanesbæ en hinn er við Hafnargötu.

Gunnar Skúli Guðjónsson, framkvæmdastjóri Subway, sagði í samtali við Víkurfréttir að hann væri bjartsýnn fyrir að þessi staður myndi gera góða hluti.

„Þetta er 17. staðurinn okkar hér á landi og við erum stöðugt að bæta við okkur. Í raun má þao segja að við höfum verið að færa staðinn sem við vorum með uppi á velli, en við erum auðvitað að höfða til annarra. Við erum að horfa á nýtt hverfi eflast og sjáum einnig framá aðsókn frá Vogum og Grindavík.“

Subway er staðsettur við hlið bakarísins og hefur sama opnunartíma og allir aðrir staðir keðjunnar.