FISKANES KAUPIR 50 M.KR. FJÖLVEIÐISKIP FRÁ KÍNA

Limac skipasmíðasamsteypan í Kína mun smíða 50 milljóna fjölveiðiskip fyrir Fiskanes hf. í Grindavík og er skipinu ætlað að koma í stað Ólafs GK 33 sem smíðaður var 1970 og verður seldur frá félaginu án kvóta.Skipasýn ehf. hannaði bátinn sem er níundi og síðasti báturinn í bili sem smíðaður verður samkvæmt raðsmíðasamningi við kínverja. Báturinn er 21,5 m x 6 m með 600 hestafla aðalvél. Hann verður útbúinn fyrir dragnóta- og netaveiðar og er lestarrými fyrir 52 kör og íbúðir fyrir sex menn. Að sögn Sigurbjarnar Daða Dagbjartssonar hjá Fiskanes er gert ráð fyrir að smíði ljúki á u.þ.b einu ári og þá verði öllum skipunum níu raðað í fragtskip og siglt til Íslands. „50 m.kr fyrir skip af þessari stærð er mjög ódýrt og einungis hægt vegna þess að um raðsmíði er að ræða“ sagði Sigurbjörn Dagði.