Deloitte gerir samning við AwareGo um upplýsingaöryggi

Fyrirtækin Deloitte ehf. og AwareGo á Ásbrú hafa nýlega skrifað undir samning varðandi samstarf á sviði kennslu og þjálfunar í öryggisvitund og fylgnistjórnun. AwareGo útbýr meðal annars kennslumyndbönd með léttu ívafi sem sýnir fólki fram á mikilvægi upplýsingaöryggis og hvernig eigi að þjálfa starfsfólk í að þekkja hvernig á að verja og geyma viðkvæm gögn.

„Samkvæmt skýrslu frá ráðgjafafyrirtækinu Gartner er Deloitte  einn fremsti þjónustuaðili á sviði upplýsingaöryggis- og gæðamála í heiminum og með samstarfi við AwareGo er Deloitte að auka enn frekar þjónustuframboð sitt á því sviði, bæði á Íslandi sem og erlendis,“ segir Dr. Rey Leclerc Sveinsson, yfirmaður gagnaverndar og upplýsingaöryggis hjá Deloitte ehf. í tilkynningu.