Vinsælt að tjalda á Garðskaga

Það er vinsælt hjá ferðalöngum að gista á Garðskaga. Þar hafa verið tjöld og ferðabílar á tjaldstæðinu í allt sumar en ekki er tekið gjald fyrir að tjalda á Garðskaga.

Í gær var hópur skáta að tjalda á Garðskaga í ágætu veðri. Það var hins vegar farið að blása hressilega á þá þegar þeir vöknuðu í morgun og skátarnir þurfa eflaust að finna sér skjólsælli stað en Garðskaga sem náttstað næstu nótt.

VF-mynd: Hilmar Bragi