Víkingar með tónleika í kvöld

Tónleikar Söngsveitarinnar Víkinga verða í kvöld, þriðjudagskvöld, í Safnaðarheimilinu í Sandgerði. Tónleikarnir hefjast klukkan 20:00. Ókeypis aðgangur.

 

Þetta eru afmælistónleikar Víkinga, því að sveitin er 20 ára nú í ár. Á dagskránni verða sérvalin lög, eitt frá hverju starfsári söngsveitarinnar.

 

Tónleikarnir verða endurteknir þann 30. apríl og þá í Bíósal Duus í Keflavík kl. 20:00 og jafnframt er frítt inn á þá tónleika.