Valdimar og fleiri góðir jólagestir
– hjá Kór Keflavíkurkirkju
Valdimar Guðmundsson verður einn af jólagestum á aðventukvöldi Kórs Keflavíkurkirkju en auk hans koma fram sönghópurinn Vox Felix og Davíð Þór Sveinsson.
Tónleikarnir verða haldnir í Keflavíkurkirkju sunnudaginn 14. desember kl. 20:00 og er enginn aðgangseyrir. Safnað er frjálsum framlögum og rennur allur ágóði í orgelsjóð kirkjunnar.
Á efnisskrá eru að sjálfsögðu jólalög og fallegir sálmar en allur hópurinn mun taka lagið í lokin.
