Ungir og eldri fóru saman út að leika

Þrír Facebook hópar hafa verið stofnaðir út frá pistli Njarðvíkingsins Guðmundar Stefáns Gunnarssonar um að hvetja unga sem aldna til að fara út að leika, í Sandgerði, Innri Njarðvík og Garði. Þegar hafa verið planaðar uppákomur og fullorðnir hist með börnin sín til að fara saman í leiki. 

Einnig virðist sem hin fullorðnu vilji rifja upp leika frá því „í gamla daga“ því ein í hópnum Út að leika í Sandgerði langar að læra teygjutvist á ný og einnig að fara í sippó og rykk. 

Meðfylgjandi myndir voru teknar þegar hóparnir í Sandgerði og Innri Njarðvík komu saman og léku sér í brennibolta, ketti og mús og ýmsu öðru. Voru viðstaddir sælir með viðtökur og mætingu. 

Víkurfréttir hvetja fólk til að setja myndir inn á hópana eða senda í [email protected].