Tóku þátt í leik og fengu nýbakað brauð

Dagur leikskólans var haldinn í fyrsta skipti 6. febrúar á síðasta ári. Þá var ákveðið var að halda upp á daginn ár hvert og auka þannig jákvæða umræðu um leikskólann og kynna starfið út á við.

Í Hjallastefnuleikskólanum Akri var haldið upp á Dag leikskólans með því að bjóða foreldrum í heimsókn. Foreldrarnir voru með í valkrókum og tóku þátt í leik barnanna, síðan gæddu allir sér á nýbökuðu kryddbrauði.

Með þessari heimsókn gafst foreldrum tækifæri til að eiga notalega stund með barninu í leik og starfi og fá um leið betri innsýn inn í það metnaðarfulla starf sem fer fram í leikskólanum, segir í tilkynningu frá leikskólanum.


Efsta myndin:  Anna að leika með mömmu sinni með púðana í leikstofu.

Klara Þorbjörg að leira með mömmu.


Dagur Stefán að gæða sér á kryddbrauði með mömmu, ömmu og afa.

Óðinn með pabba sínum að leika sér með snjó í sullukrók. Tómas Ingi fylgist með íbygginn á svip.

Ísak og mamma hans að móta egg úr leir.