Töfrar ástarinnar í Bíósal Duus Safnahúsa
– Tónleikagestir voru vel með á nótunum
Tónleikarnir Töfrar ástarinnar fóru fram fyrir fullu húsi gesta fimmtudagskvöldið 8. júlí í Bíósal Duus Safnahúsa.
Á efnisskrá voru þekktar aríur og lög frá Norðurlöndunum sem Alexandra Chernyshova, sópran, og Svafa Þórhallsdóttir, mezzósópran, sungu listavel við undirleik Gróu Hreinsdóttur á píanói.
Tónleikagestir voru vel með á nótunum og tóku hverju lagi fagnandi. Sígríður Jóhannsdóttir, fyrrverandi þingmaður og kennari, sagði m.a.: „Þessir tónleikar voru í einu orði sagt alveg stórkostlegir og þessar þrjár listakonur fórum mikinn og held ég að enginn hafi verið ósnortinn undir þessum söng.“
