Þrjár stúlkur af Suðurnesjum í fyrirsætukeppni Samúels
Þrjár stúlkur af Suðurnesjum eru á meðal tíu þátttakenda í Samkeppni Samúels 2010 sem fram fer á Broadway næstkomandi föstudagskvöld 19. nóv. Er hér um fyrirsætukeppni að ræða og eru verðlaunin að andvirði samtals um tvær milljónir króna.
Keppendur hafa verið kynntir á vefsíðunum Samuel.is og Pressan.is. Nú stendur yfir netkosning, en dómnefnd skipuð tískuljósmyndurum og fyrirsætum úr fjórum heimsálfum er einnig að störfum og hafa niðurstöður netkosningarinnar ákveðið vægi í afstöðu dómnefndar. Formaður nefndarinnar, Berglind Ólafsdóttir fyrirsæta í Kaliforníu í 17 ár, er eini Íslendingurinn í dómnefndinni.
Suðurnesjastúlkurnar þrjár heitia Emma Lovísa Eðvarðsdóttir Fjeldsted, Jórunn Steinsson og Móeiður Sif Skúladóttir. Haffi Haff æfir innkomu stúlknanna á svið á Broadway, en þær koma þrisvar fram á úrslitakvöldinu.
Verðlaunin sem stúlkan í fyrsta sæti hlýtur eru afnot af iQ frá Toyota í heilt ár með vikulegum þrifum á verðlauabílnum í Löðri, módelmyndataka erlendis og svo það sem verður að teljast nýstárlegt; stúlkan sem sigrar fær að eiga krýningarstólinn. Hann ber nafnið Regína, er ítölsk hágæðahönnun úr smiðju hins margverðlaunaða Paolo Rizzatto og fæst í CASA fyrir hálfa milljón króna.
Allt um keppnina hér: http://www.samuel.is/piurnar/
Til að kjósa: http://www.samuel.is/kosning/1
Mynd efst: Jórunn Steinsdóttir situr hér í krýningarstólnum frá CASA sem verður eign sigurvegarans. Ljósm. ÞJM.
Móeiður Sif eins og hún birtist lesendum Samúels. Ljósm. Arnaldur.
Emma Lovísa við iQ bifreiðina sem sigurvegarinn fær til afnota í heilt ár. Ljósm.: Gústi
