Þingmaður gekk frá Vogum í Garðinn
Ásmundur Friðriksson lét gerviliði ekki stöðva sig.
„Markmiðin eru til að sigrast á þeim. Hef lengi ætlað mér að ganga úr Vogum á Vatnsleysuströnd í Garðinn og lét verða af því í dag. Var 4 klst. og 30 mín. að ganga þessa 22.4 km og kom við í fjórum sveitarfélögum; Vogum, Reykjanesbæ, Sandgerði og Garðinum,“ segir alþingismaðurinn Ásmundur Friðriksson í Facebook færslu í gær.
Bæði hné Ásmundar eru með gerviliði en hann lét það ekki stöðva sig. „[Hnén] héldu þrátt fyrir nokkra yfirvigt en létt skapið og einarður vilji kemur mér langt. Ég þakka Guði góða heilsu og hreysti.“
