Sýningin „Yfirhafnir“ í sal Suðsuðvestur

Huginn Þór Arason opnaði sýninguna sína „Yfirhafnir“ í sýningarsal Suðsuðvestur um helgina. Þar sýnir hann afrit af fatnaði sem hann á sjálfur. Hann lítur á verkin sem málverk þó um fatnað sé að ræða. Eftirmyndirnar eru ekki alveg eins og fötin sjálf, ekki er hugsað út í að hafa réttu sniðin eða myndir í sömu hlutföllum. Það á að sjást að verkin séu handgerð og máluð.

Gestum og gangandi gefst kostur á að sjá og máta verkin í sýningarsal Suðsuðvesturs sem er opinn fimmtudaga og föstudaga frá klukkan 16 til 18 og um helgar frá klukkan 14 til 17.