Sýningarlok um helgina

Ljósmyndasýningunni Eldur og ís í Bíósal Duushúsa lýkur formlega um helgina. Á sýningunni eru ljósmyndir Ellerts Grétarssonar frá ferðum hans um undraheima íslenskra skriðjökla, útkulnaðar megineldstöðvar og forvitnileg eldvirk svæði í gosbelti Íslands.
Ellert verður á staðnum og veitir leiðsögn um sýninguna á sunnudaginn milli kl. 13 og 17. Á morgun, laugardag, verður sýningin lokuð vegna fundahalda í salnum.