Sumarspjall: Sturla Atlas á sumarsmellinn í ár

Berta Svansdóttir er 17 ára Keflavíkurmær. Hún er að vinna í fiski í sumar og æfir fótbolta. Útilegur og hátíðir með skemmtilegu fólki koma henni í sumarfíling.

Aldur og búseta?
17 ára Keflvíkingur.

Starf eða nemi?
Vinn í fiski og er líka nemi í Fjölbrautaskóla Suðurnesja.

Hvernig hefur sumarið verið hjá þér?
Nokkuð fínt, úlnliðsbrotnaði sem kom í veg fyrir margt en tók þátt í The Color Run um daginn sem var mjög skemmtilegt.

Hvar verður þú að vinna í sumar?
Í fiski.

Hvernig á að verja sumarfríinu?
Vinna, slaka á og ferðast.

Ætlar þú að ferðast í sumar og hvert þá?
Já, ætla fara út á land með bæði fjölskyldunni og vinum.

Eftirlætis staður á Íslandi?
Verð að velja tvo, Akureyri og Árskógssandur.

Hvað einkennir íslenskt sumar?
Útilegur, grillmatur og fótbolti.

Áhugamál þín?
Fótbolti.

Eitthvað sem þú stundar aðeins á sumrin?
Já, ég æfi fótbolta með mfl. kvenna í Keflavík.

Hvað ætlar þú að gera um Verslunarmannahelgina?
Það er ekki ákveðið, fer annaðhvort til Akureyrar á unglingalandsmótið eða til Eyja á þjóðhátíð.

Hvað fær þig til þess komast í sumarfíling?
Fara í útilegur eða á hátíðir með skemmtilegu fólki.

Hvað er sumarsmellurinn í ár að þínu mati?
Sturla Atlas - San Francisco

Hvað er það besta við íslenskt sumar?
Miðnætursólin er alltaf falleg.

En versta?
Rigning og rok.