Sumarspjall: Fékk Rómarferð í afmælisgjöf frá kærustinni

Jakob Már Jónharðsson fluttist til Noregs í vor með konu sinni Ragnheiði Kjartansdóttur. Hann starfar hjá bandaríska sendiráðinu í Osló í öryggisvarðasveit. Þau munu sennilega eyða verslunarmannahelginni í Svíþjóð þetta árið.

Hvernig hefur sumarið verið hingað til hjá þér?

Sumarið hefur verið frábært í alla staði hjá mér.

Hvað fer á grillið hjá þér?

Ég grilla mikið kjúklingalundir, nautakjöt og lambalæri ásamt sætum kartöflum.

Á að ferðast eitthvað innanlands í sumar?

Nei ég mun ekki ferðast mikið innanlands í sumar.

Hvað á annars að gera í sumarfríinu?

Sumarfríið mitt fór að mestu í að pakka niður og flytja til Noregs, við reyndar keyrðum aðeins um landið í vikutíma og heimsóttum son minn sem býr í Arendal hér í Noregi.

En erlendis?

Við förum til Rómar í september í vikutíma. Elskulega kærastan mín gaf mér þá ferð í afmælisgjöf.

Er eitthvað sem er einnkennandi fyrir íslenskt sumar að þínu mati?

Það sem einkennir íslenskt sumar er grasilmurinn, grillilmurinn og bjartar nætur.

Hvað á að gera um verslunarmannahelgina?

Um verslunarmannahelgina þetta árið fyrst við komumst ekki til eyjunnar fögru á Þjóðhátíð ætlum við að skella okkur yfir til Svíðþjóðar á bílnum og versla kjöt og bús í matinn sem er víst miklu óýrara þar.

Að lokum bið ég innilega vel að heilsa öllu góða fólkinu í Stílnum, ekki þér jón P og svo sérstaklega Skarpmunda og Ella Gæ. Lifið heil og hamingjusöm og hafið það gott um verslunarmannahelgina.

Mynd: Ein gömul og góð af Jakobi í treyju Keflavíkur.