Suðurnesjafólk ársins 1990 til 2015
Sigvaldi Arnar Lárusson komst í flottan hóp fólks þegar hann var kjörinn „Maður ársins á Suðurnesjum 2015“ af Víkurfréttum. Grindvíkingurinn Dagbjartur Einarsson var fyrsti sem var útnefndur og fyrstu átta árin af tíu voru menn úr atvinnulífinu kjörnir en það er athygli vert að hinir tveir í fyrsta tugnum voru prestar.
Hér er listinn:
1990 - Dagbjartur Einarsson
1991 - Hjörtur Magni Jóhannsson
1992 - Guðmundur Rúnar Hallgrímsson
1993 - Guðjón Stefánsson
1994 - Júlíus Jónsson
1995 - Þorsteinn Erlingsson
1996 - Logi Þormóðsson
1997 - Steinþór Jónsson
1998 - Aðalheiður Héðinsdóttir
1999 - Sigfús Ingvason
2000 - Bláa lónið / Rúnar Júlíusson / Íþróttafélagið Nes
2001 - Freyja Siguðardóttir / Norðuróp / Fræðasetrið í Sandgerði
2002 - Guðmundur Jens Knútsson
2003 - Áhöfnin á Happasæl KE fyrir björgunarafrek
2004 - Tómas J. Knútsson
2005 - Guðmundur Kristinn Jónsson / Krístin Kristjánsdóttir
2006 - Hjörleifur Már Jóhannsson / Bergþóra Ólöf Björnsdóttir
2007 - Erlingur Jónsson
2008 - Sigurður Wíum Árnason
2009 - Jóhann Rúnar Kristjánsson
2010 - Axel Jónsson
2011 - Guðmundur Stefán Gunnarsson
2012 - Nanna Bryndís Hilmarsdóttir / Brynjar Leifsson
2013 - Klemenz Sæmundsson
2014 - Fida Abu Libdeh
2015 - Sigvaldi Lárusson
Axel Jónsson var kjörinn maður ársins árið 2010. Hann er einn af fyrstu alvöru frumkvöðlum á Suðurnesjum í seinni tíð en fyrirtæki hans Skólamatur hefur vaxið mikið á rúmum áratug og er nú með um hundrað manns í vinnu.
Fida Abu Libdeh er kona frá Palestínu en hefur búið á Íslandi meirihluta ævi sinnar. Hún er ein af nýjustu frumkvöðlum okkar en hún framleiðir fæðubótarefni úr kísil. Fida var maður ársins 2014.
Brynjar Leifsson og Nanna Bryndís Hilmarsdóttir í hljómsveitinni Of Monsters and Men voru Suðurnesjafólk ársins 2012 hjá VF.
Aðalheiður Héðinsdóttir var fyrsta konan sem var útnefnd (árið 1998) en hún hefur rekið fyrirtækið Kaffitár með góðum árangri í áratugi.
