Suðurnesjabæjarhátíð sett í kjölfar ljósagöngu

Bæjarhátíð Suðurnesjabæjar var formlega sett á mánudagskvöld við golfvöllinn að Kirkjubóli. Þangað höfðu bæjarbúar gengið frá Garði og Sandgerði í skipulagðri ljósagöngu þar sem hóparnir mættust á miðri heiðinni og sameinuðust svo síðasta spölinn að golfvellinum.

Þar bauð Skólamatur upp á kjötsúpu og Kjörbúðirnar í Suðurnesjabæ buðu upp á grillaðar pylsur.

Tónlistarmaðurinn Jón Jónsson lék svo nokkur lög og kom gestum setningarhátíðarinnar í gott stuð fyrir komandi bæjarhátíðardaga.