Strengjatónleikar í Keflavíkurkirkju

Strengjasveit skipuð nemendum frá Kristiansand í Noregi og Strengjasveit Tónlistarskóla Reykjanesbæjar, halda tónleika í Keflavíkurkirkju mánudaginn 12. maí kl.19.30.

 

Mjög fjölbreytt efnisskrá, m.a. Konsert fyrir orgel og strengi eftir Hildigunni Rúnarsdóttur, þar sem einleikari á orgel er Martin Pearson sem er einn af þekktari orgelleikurum Noregs.

 

Strengjasveitin frá Kristiansand er skipuð úrvalsnemendum á aldrinum 12 - 18 ára, úr svokölluðum "Laugardagsskóla" sem er samstarfsverkefni Listaskóla Kristiansand, Tónlistardeild Háskólans í Agder og Menningarhússins í Kilden, og formlegt heiti hennar er  "Strengjasveit Laugardagsskólans".

 

Strengjasveit Tónlistarskóla Reykjanesbæjar er skipuð þeim strengjanemendum skólans sem lengst eru komin í námi sínu. Sveitin heldur í tónleikaferð til Póllands 2. júní n.k. og þau verk sem strengjasveitin leikur á tónleikunum á mánudaginn eru hluti af þeirri efnisskrá sem sveitin mun leika í Póllandi.

 

Stjórnendur eru Unnur Pálsdóttir og Adam Grüchot.

Aðgangur ókeypis. Allir velkomnir.