Stemning í safnaðarheimilinu þegar Sandgerðisdagar hófust
Sandgerðisdagar hófust í gær og var fjöldi fólks samankominn í safnaðarheimilinu. Þar fór fram skemmtileg dagskrá og ýmis glæsileg tónlistaratriði litu dagsins ljós.
Sérstaka athygli vakti Júlíus Viggó Ólafsson, 11 ára gamall Sandgerðingur en hann söng tvö lög fyrir gesti. Hann fór algerlega á kostum með lagi Adele, Rolling in the deep, þar sem salurinn klappaði með og Smári Guðmundsson úr Klassart aðstoðaði hann á sviðinu. Smári sem er frændi Júlíusar, mætti á sviðið til þess að stappa taktinn og til þess var hann í alveg sérstökum skó sem hann notar jafnan við upptökur.
Þau Klassart systkin Fríða og Smári fluttu nokkur lög og enduðu svo á smellinum Gamli grafreiturinn og fengu þá alla sem vildu upp á svið að „djamma“ með.
Hér má sjá dagskrá Sandgerðisdaga á vf.is.
Það var flott stemning á sviðinu í gær.
Sandgerðingurinn Óttar Birgisson úr hljómsveitinni 1860.
VF myndir Eyþór Sæmundsson.
