Sigurveig sýnir í Hvammi

Myndlistakonan Sigurveig Þorleifsdóttir, Lilla, opnar á laugardag sýningu á verkum sínum í Hvammi, Suðurgötu 15-17. Verkin eru 30 talsins, flest unnin í olíulitum, en einnig nokkur vatnslita- og akrýlverk.

Sigurveig hefur stundað list sína allt frá æsku og numið hjá ýmsum kennurum, lengst af hjá Margréti Jónsdóttur en einnig hjá Hermanni Árnasyni og síðustu þrjú ár hjá Eyþóri G Stefánssyni.

Sýningin stendur í um eina og hálfa viku og er opin á milli 17 og 22 alla dagana.

VF-mynd/Þorgils: Sigurveig með eina myndina sem verður á sýningunni.