Síðasta sýning Hljómasöngleiksins í kvöld

Í kvöld verður síðasta sýning á söngleiknum Bláu augun þín sem Fjölbrautaskóli Suðurnesja hefur sett upp. Í sýningunni er farið í gegnum sögu hinnar Keflvísku hljómsveitar Hljóma. Um eitt þúsund manns hafa séð sýninguna sem hefur hlotið góða dóma.
Sýningin fer fram í Stapanum og hefst klukkan 20:00. Miðasala fer fram í Hljómval og Stapanum. Nánari upplýsingar í síma 862-5213.