Sagði sögur af víkingum
Það voru margir forvitnir um víkinga sem lögðu leið sína í Víkingaheima á Fitjum um helgina, þegar svokallaðir Skessudagar voru í Reykjanesbæ.
Í Víkingaheimum gátu börn smíðað sín eigin víkingasverð og klætt sig eins og víkinga. Þá voru sagðar sögur af víkingum en sögurnar sagði Böðvar Gunnarsson, sem hefur kynnt sér víkingafræðin síðustu ár og smíðað fjölmarga muni í anda víkingatímans.
Meðfylgjandi mynd var tekin í einni sögustundinni sem fór fram um borð í víkinaskipinu Íslendingi.
Víkurfréttamynd: Hilmar Bragi Bárðarson
