„Sælla er að gefa en þiggja“ á Þemadögum í FS
Dagna 18. og 19. febrúar verða þemadagar í Fjölbrautaskóla Suðurnesja og mun þema dagana verða „Sælla er að gefa en þiggja“.
Fyrri daginn munu nemendur taka þátt í hinum ýmsu námskeiðum. Nemendur velja sér eitt námskeið fyrir hádegi og eitt eftir hádegi. Einnig verða þeir með kaffihús, þar sem þeir bjóða gestum upp á kaffi, kakó og kökur gegn vægu gjaldi
Á föstudeginum verður markaðsstemmning í FS, þar sem afrakstur námskeiðanna verður til sölu fyrir gesti og gangandi. Ýmis tónlistaratriði verða á sal og uppistand frá þjóðþekktum aðilum. Það sem safnast á föstudeginum mun síðan renna til góðgerðamála.
Dagskrá föstudagsins á sviði skólans verður sem hér segir:
10:00 Ómar syngur.
10:15 Guðrún Pálína sigurvegari í hljóðnemanum 2015 syngur.
10:30 Steinar B.
11:00 Sólmundur Hólm með uppistand.
11:30 Sigurður Smári syngur.
11:45 Sigga Ey syngur.
12:00 Glowie.
12:30 Sigurvegari í Hljóðnemanum 2016 syngur.
Skyldumæting er á Þemadaga en almenningur er velkominn á föstudeginum.
Frá þemadögum FS í fyrra.
