Ruth og Ásdís Rán sigruðu Mylluvisjón
Glæsileg söngkeppni í Myllubakkaskóla
Á miðvikudaginn fór fram hin árlega söngkeppni, Mylluvisjón, sem að þessu sinni var hluti af Barnahátíð Reykjanesbæjar. Alls sýndu nemendur Myllubakkaskóla 25 atriði í aldursflokkunum 3. - 6. bekkur og 7. - 10. bekkur. Keppnin var skemmtileg og voru allir keppendur mjög frambærilegir. Leikar fóru þannig að í yngri flokknum sigraði Ruth Jose með lagið Believe og í eldri flokknum sigraði Ásdís Rán Kristjánsdóttir með lagið Chasing pavement. Nemendur, foreldrar, systkini, gamlir nemendur og fleiri áhugasamir fylltu hátíðarsal Myllubakkaskóla og studdu vel við bakið á þessum ungu og efnilegu krökkum.
