RokkSuð í Festi á föstudag

Tónlistarskólinn í Garði, Tónlistarskólinn í Grindavík, Tónlistarskóli Reykjanesbæjar og Tónlistarskóli Sandgerðis efna til rokktónleika föstudaginn 16. mars n.k.

Tónleikarnir verða í Félagsheimilinu Festi, Grindavík og hefjast kl.19.30. Fram koma alls sjö rokkhljómsveitir skipaðar nemendum tónlistarskólanna sem allir eru við nám í skólunum og eru hljómsveitirnar liður í námi þeirra.

Tónlistarskólarnir á Suðurnesjum hafa í gegnum tíðina verið í all nokkru samstarfi bæði hvað varðar tónleikahald og námskeið fyrir kennara skólanna. Rokktónleikarnir RokkSuð eru liður í þessu farsæla samstarfi, en tónlistarskólarnir hafa áður staðið fyrir slíkum tónleikum og voru þeir mjög vel sóttir.

Suðurnesjamenn eru eindregið hvattir til að mæta á tónleikana í Festi, Grindavík, föstudaginn 16. mars og eins áður segir, þá hefjast tónleikarnir kl.19.30. Aðgangur er ókeypis og eru allir hjartanlega velkomnir.

 Af vef Reykjanesbæjar