Reynir Katrínar opnar sýningu í Listatorgi

Reynir Katrínar opnar sýningu í Listatorgi í Sandgerði laugardaginn 2. febrúar kl. 14.00.  Sýningin verður opin til kl. 18.00 á laugardag en annars er opið í galleríinu og á sýninguna alla daga í febrúar milli kl. 13.00-17.00. 
Reynir starfar meðal annars sem miðill, nuddari, heilari, listamaður og tónlistarmaður og um helgar verður hann í Listatorgi með galdrasteinana sína.  Þann 9. febrúar næstkomandi verður Reynir með fyrirlestur og kynningu sem kallast Hvít Víðbláinn, skóli heilunar og töfra, sem hefst kl. 15.00.