Ráðherrafjör hjá Ragnheiði Elínu

„Ég er ákaflega stolt og hlakka til að takast á við krefjandi verkefni. Þakka ykkur kærlega fyrir stuðninginn en nú skulum við fara að koma okkur að verki,“ sagði Ragnheiður Elín Árnadóttir í „ráðherra-veislu“ sem haldið var á heimili hennar á fimmtudagskvöld.

Tilefnið var að fagna nýju ráðherraembætti, þess fyrsta sem Keflvíkingur og íbúi í Reykjanesbæ sinnir. Fjölmargir vinir, ættingjar og samherjar samfögnuðu Ragnheiði á heimili hennar á þessum tímamótum. Þarna mátti m.a. sjá fyrrverandi forsætisráðherra, Geir Haarde en Ragnheiður Elín var aðstoðarmanneskja hans þegar hann var ráðherra fyrir nokkrum árum. Þarna mættu líka Hanna Birna nýskipaður innanríkisráðherra, bæjarstjórahjónin í Reykjanesbæ og fleiri.

Ljósmyndara VF var boðið og hann tók meðfylgjandi myndir og fleiri sem má  sjá í myndagalleríi VF.

Ragnheiður með Geir Haarde og Unni Brá Konráðsdóttur.

Ragnheiður með bæjarstjórahjónunum Árna og Bryndísi.

Vösk sveit sjálfstæðismanna sem tóku þátt í kosningabaráttunni.