Ópera fyrir öll leikskólabörn

Í fyrsta skipti í Reykjanesbæ var ópera kynnt fyrir yngstu áhorfendum skólastigsins. Í desember heimsótti „Ópera fyrir leikskólabörn“ tíu leikskóla í Reykjanesbæ og gerði mikla lukku.

Frumkvöðull og höfundur óperuleiksýningarinnar er Alexandra Chernyshova sem söng hlutverk Álfadrottningunar og samdi fallega óperutónlist fyrir sýninguna. Barítonsöngvari og dansarinn Jón Svavar Jósefsson fór með hlutverk íkornans Ratatöski. Flytjendur leiddu leikskólakrakka inn í ævintýraheim óperunnar og voru klædd í töfra óperubúninga. Börnin fengu að dansa, syngja með, hlusta á óperutónlist og kíkja inn fyrir töfrahurð óperunnar. Börn og leikskólakennarar voru alveg hugfangin af þessari óperusýningu en Reykjanesbær bauð öllum leikskólum í Reykjanesbæ á þessa frábæru sýningu, segir í tilkynningu frá aðstandengum sýningarinnar.